Ek shaam thodi maili si


Ek shaam thodi maili si,
Dhup ki pighalti lau ki tarah -
wo shaam kay aanchal kay rang me,
ranga hai aaj ye mann bhi-
ye shaam thodi maili si....

Ghar ko chale bawra hawa,
peeche reh gaye us hawa ke
chore hue kuch bikhre panne,
maano mere Mann kay swarup ho jaisa,
Koi sajaakar, fir bikharkar cher gaya.
wo shaam.... thodi maili si....

Ek aasmaan mera reh gaya,
ek hansi chuke chali gayee,
ek mera aks reh gaya dhundla sa,
us dhundli shaam me pighal gaya-
Ek wo shaam.. thodi maili si...

Indrajit Ghosal

Blogger Templates by Blog Forum